കുളത്തിൽ ജിറാഫിന്റെ കഴുത്തിന്റെ മുക്കാൽ ഭാഗത്തോളമാണ് വെള്ളം ഉള്ളത് നമ്മുടെ കഴുത്തിന്റെ മുക്കാൽ ഭാഗം അല്ല. നമ്മെളെല്ലാം ജിറാഫിനെക്കാളും ഉയരം കുറഞ്ഞവരാണ്. അതിൽ ഇറങ്ങിയാൽ നമ്മെളെല്ലാവരും മുങ്ങി ചാവും“. ജിറാഫ് അന്നേരം പറഞ്ഞു, ശരിയാണ് കുരങ്ങച്ചൻ പറഞ്ഞത് കൂട്ടുകാരെ നിങ്ങൾ കുളത്തിൽ ഇറങ്ങരുത്‌. എല്ലാവർക്കും വിഷമമായി, ഇനിയെന്തു ചെയ്യും ?

അപ്പോഴാണ് മുയലച്ചൻ പറഞ്ഞത് കഴിഞ്ഞ പ്രാവശ്യം വള്ളം കളിക്ക് ഉപയോഗിച്ച പല വലിപ്പത്തിൽ ഉള്ള ലൈഫ് ജാക്കറ്റുകൾ നമ്മുടെ ക്ലബ്ബിൽ ഇരിപ്പുണ്ട്. നമുക്ക് അതിട്ടുകൊണ്ട് വെള്ളത്തിൽ കളിക്കാം, ഒരു അപകടവും സംഭവിക്കതില്ല. അങ്ങനെ അവർ പോയി ലൈഫ് ജാക്കറ്റുകൾ ധരിച്ചുകൊണ്ട് കുളത്തിൽ ഇറങ്ങി അടിച്ചുപൊളിച്ചു.

ഈ കഥയും മ്യൂച്ച്വൽ ഫണ്ട് നിക്ഷേപങ്ങളുമായി ഒരു ബന്ധമുണ്ട് എന്ന് മനസിലാക്കണം.

ജിറാഫിന് കുളത്തിൽ ഇറങ്ങിയാൽ ഒരു അപകടവും സംഭവിക്കത്തില്ല, എന്നാൽ മറ്റുള്ളവർ ഇറങ്ങിയാൽ അപകടം സംഭവിക്കും. എന്തുകൊണ്ടാണ് അങ്ങനെ സംഭവിക്കുന്നത്. കുളത്തിന്റെ ആഴം ജിറാഫിന്റെ ഉയരത്തേക്കാൾ കുറവും മറ്റുള്ളവരുടെ ഉയരത്തേക്കാൾ കൂടുതലുമാണ്, ജിറാഫിന് കൈകാര്യം ചെയ്യാവുന്ന ആഴം മറ്റുള്ളവർക്ക് സാധിക്കുകയില്ല. അത് പോലെ തന്നെ ആണ് ഓരോ മ്യൂച്വൽ ഫണ്ട് നിക്ഷേപകർക്കും കൈകാര്യം ചെയ്യാവുന്ന Risk ൻറെ അളവും. അവരവർക്കു കൈകാര്യം ചെയ്യാവുന്ന Risk മനസ്സിലാക്കി വേണം മ്യൂച്വൽ ഫണ്ടുകളിൽ നിക്ഷേപം നടത്തുവാൻ.